** हात माग्या त हो **

के मागे र...? झस्क्यौ तिमी तिनै हात माग्या त हो !
यात्रा संगै तय गर्न तिम्रै साथ माग्या त हो !!

तिम्रो साथ पाएँ भने सुनौलो त्यो जिन्दगी नै,
सधै भरी नभए नी एउटै रात माग्या त हो !!

कुराले नै मन्त्रमुग्द बनाउने धोको मेरो,
माया गर्न जान्दिन र मिठा बात माग्या त हो !!

बेलैमा नै चाखी हेर मधुर मिठो रस कस्तो,
यौवनको मस्तमग्न थोरै मात माग्या त हो !!

मायामा नै शक्ति हुन्छ निस्वार्थले भरिएको,
बुझिदेउन सानु मायाको नै खात माग्या त हो !!