छैन मेरो घरबारी जिन्दगीको गोरेटोमा।
कस्ले देला छहारी जिन्दगीको गोरेटोमा।
सँगै बाँच्ने, दु:ख साट्ने जिन्दगीको सहयात्रि।
भेटिएनन नरनारी जिन्दगीको गोरेटोमा।
पर्खिरहे लाली त्यो उदाउला कि भन्दै भन्दै।
कहाँ जाउँ आशा मारी जिन्दगीको गोरेटोमा।
जती सोच्यो उती बढ्ने दुखियाको दु:ख यहाँ।
बाँचिरहेछु बोकेर भारी जिन्दगीको गोरेटोमा।
गहनायो रे मेरो श्वास तिम्रो सुखी बस्तिभरी।
लैजा दैब !! दह तारी जिन्दगीको गोरेटोमा।
No comments:
Post a Comment